December 9, 2022

166 ஹெச்பி பவர் கொண்ட டுகாட்டி டயவெல் வி4 அறிமுகம்

சென்னை, அக்.31

டுகாட்டி நிறுவனம் புதிய டயவெல் வி4 மோட்டார்சைக்கிளை அறிமுகம் செய்துள்ளது.

புதிய டயவெல் வி4 மாடலில் ஏர் இண்டேக், எல்இடி லைட்டிங், குவாட்ருபில் மெஷின் கன் டெயில் பைப் எக்சாஸ்ட், வி4 கிராண்டூரிஸ்மோ என்ஜின் வழங்கப்பட்டு இருக்கிறது.

இதில் உள்ள 1158சிசி வி4 என்ஜின் 166 ஹெச்பி பவர், 126 நியூட்டன் மீட்டர் டார்க் இழுவிசையை வெளிப்படுத்துகிறது. 2023 டுகாட்டி டயவெல் V4 மாடல் எடை குறைவாகவும், அதிக கச்சிதமாகவும் உருவாக்கப்பட்டு இருக்கிறது. பராமரிப்பை பொருத்தவரை பிக் சர்வீஸ் செய்வதற்கான இடைவெளி 60 ஆயிரம் கிலோமீட்டர்கள் என நிர்ணயம் செய்யப்பட்டு உள்ளது.

இதில் உள்ள டி-ஆக்டிவேசன் சிஸ்டம் என்ஜினில் உள்ள சிலிண்டர்களை பயன்பாட்டுக்கு ஏற்ப பயன்படுத்துகிறது. சஸ்பென்சனை பொருத்தவரை டுகாட்டி டயவெல் வி4 மாடலில் இன்வர்ட் செய்யப்பட்ட 50MM போர்க்குகள், கன்டிலிவர் ரியர் சஸ்பென்சன் வழங்கப்பட்டு இருக்கிறது. இரு சஸ்பென்சனையும் அட்ஜஸ்ட் செய்யும் வசதி வழங்கப்பட்டு உள்ளது. பிரேக்கிங் சிஸ்டத்தை பொருத்தவரை பிரெம்போ ஸ்டைல்மா கேலிப்பர்கள், முன்புறம் 330MM ட்வின் டிஸ்க் செட்டப் வழங்கப்பட்டு இருக்கிறது. புதிய 2023 டுகாட்டி டயவெல் வி4 மாடலில்- ஸ்போர்ட், டூரிங் மற்றும் அர்பன் என மூன்று விதமான டிரைவிங் மோட்கள் உள்ளன. இத்துடன் டுகாட்டி டிராக்சன், ஏபிஎஸ் கார்னெரிங் மற்றும் டுகாட்டி வீலி கண்ட்ரோல் போன்ற வசதிகள் வழங்கப்பட்டுள்ளன. இத்துடன் குரூயிஸ் கண்ட்ரோல் வசதியும் வழங்கப்பட்டு இருக்கிறது.

Spread the love