February 3, 2023

1500 பேர் முன்பதிவு செய்த பிஒய்டி அட்டோ 3 கார்

பெங்களூரு, டிச.9

பிஒய்டி நிறுவனம் தனது அட்டோ 3 எலெக்ட்ரிக் எஸ்யுவி-யின் இந்திய விலை விவரங்களை கடந்த மாதம் அறிவித்தது.

அதன்படி புதிய பிஒய்டி அட்டோ 3 விலை ரூ. 33 லட்சத்து 99 ஆயிரம், எக்ஸ்-ஷோரூம் என துவங்குகிறது.

இந்திய சந்தையில் புதிய பிஒய்டி அட்டோ 3 மாடலை வாங்க இதுவரை 1500 பேர் முன்பதிவு செய்துள்ளதாக தகவல்கள் வெளியாகியுள்ளது. புதிய அட்டோ 3 மாடலின் வினியோகம் அடுத்த ஆண்டு ஜனவரி மாத வாக்கில் துவங்க இருக்கிறது. பிஒய்டி அட்டோ 3 மாடல் 60.48 கிலோவாட் ஹவர் பேட்டரி பேக் ஆப்சனில் கிடைக்கிறது. இந்த கார் மணிக்கு 0 முதல் 100 கிலோமீட்டர் வேகத்தை 7.3 நொடிகளில் எட்டிவிடும். மேலும் முழு சார்ஜ் செய்தால் அதிகபட்சம் 521 கிலோமீட்டர் வரை செல்லும் திறன் கொண்டிருக்கிறது.

இந்த காரில் பெரிய க்ரோம் கிரில், எல்இடி ஹெட்லேம்ப்கள், டிஆர்எல்கள், ஸ்போர்ட் பம்ப்பர், 18 இன்ச் வீல்கள், பூட் லிட் மீது பிஒய்டி லோகோ இடம்பெற்று இருக்கிறது. மேலும், இந்த காரில் 12.8 இன்ச் டிஸ்ப்ளே, நேவிகேசன் வசதி வழங்கப்படுகிறது. இத்துடன் அடுத்த ஆண்டு மார்ச் மாத வாக்கில் ஆப்பிள் கார்பிளே மற்றும் ஆண்ட்ராய்டு ஆட்டோ சேவைகளுக்கான அப்டேட் வழங்கப்படுகிறது. புதிய அட்டோ 3 மாடலை 7 கிலோவாட் ஹோம் சார்ஜர் மூலம் காரை 0 முதல் 100 சதவீதம் வரை சார்ஜ் செய்ய 9.5 முதல் 10 மணி நேரம் ஆகும். 80 கிலோவாட் டிசி சிசிஎஸ் 2 பாஸ்ட் சார்ஜர் பயன்படுத்தும் போது 0 முதல் 80 சதவீதம் வரை சார்ஜ் செய்ய 50 நிமிடங்கள் ஆகும்.

Spread the love