October 3, 2022

விருதுநகரில் செப்.10ல் 36-வது
மாபெரும் தடுப்பூசி முகாம்: ஆட்சியர் தகவல்

விருதுநகர், செப்.10

விருதுநகர் மாவட்டத்தில் 11.09.2022 ஞாயிற்றுக்கிழமை காலை 07:00 மணி முதல்; மாலை 07:00 வரை 36-வது மாபெரும் கொரோனா தடுப்பூசி முகாம் நடைபெற இருக்கிறது. முதல்வர் பொது மக்களின் நலன் கருதி மாநிலம் முழுவதும் கொரோனா தடுப்பூசி செலுத்துவதற்கான நடவடிக்கைகளை தொடர்ந்து ஊக்கப்படுத்தி வருகிறார்.

கொரோனா பெருந்தொற்றில் இருந்து பாதுகாக்கவும் மீண்டும் பரவி வரும் கொரோனா நோய்த்தொற்றிலிருந்து பாதுகாத்து கொள்ளவும் கொரோனா தடுப்பூசி மருந்தே கொரோனா பெரும் தொற்றிற்கு எதிரான முதன்மைக் கேடயம். இதனை கருத்தில் கொண்டு தகுதி வாய்ந்த அனைத்து பொது மக்களுக்கும் தடுப்பூசி அவரவர்தம் வசிக்கும் பகுதிகளிலேயே எளிதில் கிடைத்திடும் வகையில் 11.09.2022 ஞாயிற்றுக்கிழமை ஒரு நாள் மாபெரும் தடுப்பூசி முகாம்கள் நடைபெற இருக்கிறது. இதர நாட்களிலும் அரசு மருத்துவமனைகள் மற்றும் ஆரம்ப சுகாதார நிலையங்களிலும் தடுப்பூசிகள் செலுத்தப்பட்டு வருகின்றன.

எனவே இதுவரை முதல் தவணை தடுப்பூசி செலுத்திக்கொள்ளாதவர்கள் இரண்டாம் தவணை தடுப்ப10சி செலுத்த வேண்டியவர்கள் மற்றும் மூன்றாம் தவணை தடுப்பூசி செலுத்த வேண்டிய 18 வயதுக்கு மேற்பட்ட நபர்கள் மற்றும் முன்களப்பணியாளர்கள் ஆகிய அனைவரும் தவறாமல் 11.09.2022 ஞாயிற்றுக் கிழமை அன்று காலை 07:00 மணி முதல் மாலை 07:00 மணி வரை நடைபெறும் 36-வது மாபெரும் கொரோனா தடுப்பூசி முகாமில் கலந்து கொண்டு கொரோனாவை வெல்வதற்கு தடுப்பூசி ஒன்றே ஒரே தீர்வு என்பதை உணர்ந்து தடுப்பூசி செலுத்தி கொரோனா பெரும் தொற்று பரவுவதை கட்டுப்படுத்துவதற்கு அனைவரும் மாவட்ட நிர்வாகத்திற்கு போதிய ஒத்துழைப்பு அளிக்க வேண்டும் என மாவட்ட ஆட்சியர் ஜெ.மேகநாதரெட்டி தெரிவித்துள்ளார்கள்.

Spread the love