September 27, 2022

மாருதி சுசூகி கிராண்ட் விட்டாரா கார் 53 ஆயிரம் பேர் முன்பதிவு

புது தில்லி, செப்.14

மாருதி சுசூகி நிறுவனம் கிராண்ட் விட்டாரா மாடலின் விலையை சில தினங்களுக்கு முன் அறிவித்தது. தற்போது இந்த காரை வாங்க சுமார் 53 ஆயிரத்திற்கும் அதிகமானோர் முன்பதிவு செய்து இருப்பதாக மாருதி சுசூகி தெரிவித்து உள்ளதாக தகவல்கள் வெளியாகியுள்ளது.

இது குறித்து விரிவான செய்தியாவது: ஜூலை 11ம் தேதி புதிய மாருதி சுசூகி கிராண்ட் விட்டாரா மாடலுக்கான முன்பதிவு துவங்கியது. மாருதி சுசுகி கிராண்ட் விட்டாரா மாடல் கர்நாடக மாநிலத்தில் உற்பத்தி செய்யப்பட இருக்கிறது

புதிய கிராண்ட் விட்டாரா மாடலின் ஸ்டிராங் ஹைப்ரிட் வேரியண்டை வாங்க 22 ஆயிரம் பேர் முன்பதிவு செய்துள்ளனர். இந்த காரை வாங்கியவர்களில் பெரும்பாலானோர் மைல்டு ஹைப்ரிட் வேரியண்டையே தேர்வு செய்துள்ளனர். அனைவரின் எதிர்பார்ப்பை பூர்த்தி செய்யும் வகையில் கிராண்ட் விட்டாரா பெயர் இந்திய சந்தையில் மீண்டும் களமிறங்கி இருக்கிறது.

இந்திய சந்தையில் கிராண்ட் விட்டாரா மாடல் ஹூண்டாய் கிரெட்டா, கியா செல்டோஸ், போக்ஸ்வேகன் டைகுன், ஸ்கோடா குசக், எம்ஜி ஆஸ்டர் மற்றும் டொயோட்டா அர்பன் குரூயிசர் ஹைரைடர் போன்ற மாடல்களுக்கு போட்டியாக அமைகிறது. மேலும், இந்த கார் மைல்டு ஹைப்ரிட் மற்றும் ஸ்டிராங் ஹைப்ரிட் வெர்சன்களில் கிடைக்கிறது. இதன் 1.5 லிட்டர் ஸ்டிராங் ஹைப்ரிட் மாடல் 114 ஹெச்பி பவர் வெளிப்படுத்துகிறது. மைல்டு ஹைப்ரிட் சிஸ்டம் 101 ஹெச்பி பவர் வெளிப்படுத்தும் திறன் கொண்டிருக்கிறது.

Spread the love