October 2, 2022

புளு வண்ணத்தில் அறிமுகமானது
டிவிஎஸ் என்டார்க் 125 ஸ்கூட்டர்

சென்னை, செப்.13

டிவிஎஸ் நிறுவனம் தனது என்டார்க் 125 ஸ்கூட்டரை தற்போது புளூ வண்ணத்தில் அறிமுகம் செய்துள்ளதாக தகவல்கள் வெளியாகியுள்ளது.

இத்துடன் செக்யுர்டு பிளாட் கிராபிக்ஸ் வழங்கப்பட்டு உள்ளது. என்டார்க் 125 ஸ்கூட்டரின் புதிய வண்ணத்தின் விலை ரூ.87,011, எக்ஸ்-ஷோரூம் என நிர்ணயம் செய்யப்பட்டு உள்ளது.

என்டார்க் 125 ஸ்கூட்டரின் புளூ நிற வேரியண்டில் புது வண்ணம் தவிர வேறு எந்த மாற்றமும் மேற்கொள்ளப்படவில்லை.

அந்த வகையில் டிவிஎஸ் என்டார்க் மாடலில் 124.8சிசி, மூன்று வால்வுகள் கொண்ட ஏர் கூல்டு என்ஜின் வழங்கப்பட்டு இருக்கிறது. மேலும், இந்த என்ஜின் 9.25 யஹச்பி பவர், 10.5 நியூட்டன் மீட்டர் டார்க் இழுவிசையை வெளிப்படுத்துகிறது. இந்த ஸ்கூட்டரில் 12 இன்ச் வீல்கள் வழங்கப்பட்டுள்ளன. இத்துடன் டெலிஸ்கோபிக் போர்க், மோனோசாக் சஸ்பென்சன் யூனிட் வழங்கப்பட்டு இருக்கிறது. பிரேக்கிங்கிற்கு முன்புறம் டிஸ்க் பிரேக், டிரம் பிரேக் வழங்கப்பட்டு உள்ளது. இதே ஸ்கூட்டர் டூயல் டிரம் பிரேக் வேரியண்டிலும் கிடைக்கிறது. டிவிஎஸ் என்டார்க் புதிய புளூ வண்ண வேரியண்ட்டுக்கான முன்பதிவு ஏற்கனவே துவங்கி நடைபெற்று வருகிறது. வினியோகம் வரும் நாட்களில் துவங்கும் என தெரிகிறது.

Spread the love