October 3, 2022

புதிதாக 100சிசி பைக் உருவாக்கும்
ஹோண்டா மோட்டார் சைக்கிள் நிறுவனம்

சென்னை, செப்.20

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் புதிதாக கம்யுட்டர் மோட்டார்சைக்கிளை உருவாக்கியுள்ளதாக செய்திகள் வெளியாகியுள்ளது. 100 சிசி பிரிவில் ஹீரோ ஸ்பிலெண்டர் மாடல் கணிசமான விற்பனையை பதிவு செய்து வருகிறது. இந் நிலையில், புதிய ஹோண்டா பைக் ஸ்பிலெண்டர் மாடலுக்கு போட்டியாக அமையும் என தெரிகிறது.

இத்துடன் இந்த புதிய மாடல் நீண்ட பயணத்திற்கு ஏற்ற வகையில் சவுகரியமான சஸ்பென்சன் செட்டப் கொண்டிருக்கும் என்றும் இதன் எடை குறைவாகவே இருக்கும் என்றும் கூறப்படுகிறது. புதிய ஹோண்டா பைக் சந்தையில் அதிக போட்டியை ஏற்படுத்தும் வகையில் நிர்ணயம் செய்யப்படும் என எதிர்பார்க்கப்படுகிறது. ஹோண்டா இந்தியா சிடி 110 டிரீம் மற்றும் லிவோ உள்ளிட்ட மாடல்களை சிறிய மோட்டார்சைக்கிள் பிரிவில் விற்பனை செய்து வருகிறது. இரு மாடல்களிலும் 109.51சிசி சிங்கில் சிலிண்டர் ஏர் கூல்டு என்ஜின் வழங்கப்பட்டு இருக்கிறது. இவற்றின் விலை முறையே ரூ.70,315 மற்றும் ரூ. 75,002 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய சந்தையில் ஹோண்டா நிறுவனத்தின் அதிகம் விற்பனையாகும் மாடல்களில் ஒன்றாக ஹோண்டா ஆக்டிவா இருந்து வருகிறது. மேலும் இந்தியாவில் அதிகம் விற்பனையாகும் ஸ்கூட்டர் மாடலாக ஆக்டிவா விளங்குகிறது. பெட்ரோல் மாடல்கள் தவிர ஹோண்டா நிறுவனம் எலெக்ட்ரிக் ஸ்கூட்டரை அறிமுகம் செய்யும் பணிகளிலும் ஹோண்டா ஈடுபட்டு வருகிறது.

Spread the love