October 2, 2022

பிஎம்டபிள்யூ எக்ஸ் 4 ஸ்பெசல் எடிசன் இந்திய சந்தையில் அறிமுகம்

புது தில்லி, செப்.10

பிஎம்டபிள்யூ இந்தியா நிறுவனம் தனது எக்ஸ் 4 மாடலின் 50 ஜாரெ எம் எடிசனை இந்திய சந்தையில் அறிமுகம் செய்துதுள்ளதாக செய்திகள் வெளியாகியுள்ளது.

இது குறித்து விரிவான செய்தியாவது: புதிய பிஎம்டபிள்யூ மாடல் விலை ரூ.72 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த பிஸ்போக் எஸ்யுவி மாடல் சென்னையில் உள்ள பிஎம்டபிள்யூ ஆலையில் உற்பத்தி செய்யப்பட இருக்கிறது.

இந்த கார் பெட்ரோல் மற்றும் டீசல் என இருவித பவர்டிரெயின்களில் கிடைக்கிறது. புதிய ஸ்பெசல் எடிசன் கார் அதன் ஸ்டாண்டர்டு மாடல்களை விட ரூ.1 லட்சம் வரை விலை அதிகம் ஆகும். ஸ்பெசல் எடிசன் மாடலில் பெரிய கிட்னி கிரில், கிளாஸ் பிளாக் பினிஷ், முன்புறம் மற்றும் பின்புறம் னி லோகோ இடம்பெற்று இருக்கிறது. இத்துடன் 20 இன்ச் ஜெட் பிளாக் அலாய் வீல்கள் மற்றும் M ஸ்போர்ட் பிரேக் கேலிப்பர்கள் வழங்கப்பட்டு உள்ளன.

காரின் உள்புறம் எலெக்ட்ரிக் அட்ஜஸ்ட் வசதி கொண்ட ஸ்போர்ட்ஸ் சீட்கள், மெமரி ஃபன்சன், ரியர் இருக்கைகளில் ரிக்லைன் வசதி, லெதர் ராப் செய்யப்பட்ட ஸ்டீரிங் வீல், எம் ஹெட்லைனர் உள்ளிட்டவை வழங்கப்பட்டு இருக்கின்றன. புதிய பிஎம்டபிள்யூ எக்ஸ் 4 ஜாரெ எம் எடிசன் மாடலில் 2.0 லிட்டர் பெட்ரோல் மற்றும் 3.0 லிட்டர் டீசல் என்ஜின்கள் வழங்கப்பட்டுள்ளன. இந்த என்ஜின்கள் முறையே 251 எச்பி பவர், 350 நியூட்டன் மீட்டர் டார்க் மற்றும் 261 எச்பி பவர், 620 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிசன் வழங்கப்பட்டு இருக்கிறது.

Spread the love