January 28, 2023

நின்ஜா கால் ப்ரோ பிளஸ் ஸ்மார்ட்வாட்ச்
ஃபயர் போல்ட் நிறுவனம் அறிமுகம்

சென்னை, நவ.25

ஃபயர் போல்ட் நிறுவனம் தனது அணியக்கூடிய சாதனங்கள் பிரிவில் புதிதாக நின்ஜா கால் ப்ரோ பிளஸ் பெயர் கொண்ட ஸ்மார்ட்வாட்ச்-ஐ அறிமுகம் செய்திருப்பதாக செய்திகள் வெளியாகியுள்ளது.

புதிய ஃபயர் போல்ட் நின்ஜா கால் ப்ரோ பிளஸ் மாடலில் 1.83 இன்ச் டிஸ்ப்ளே, ப்ளூடூத் காலிங், 100-க்கும் அதிக ஸ்போர்ட்ஸ் மோட்கள், அதிகபட்சம் ஆறு நாட்களுக்கான பேட்டரி லைஃப் போன்ற அம்சங்கள் உள்ளன. இத்துடன் மேம்பட்ட அளவில் உடல் ஆரோக்கியம் பற்றிய விவரங்களை டிராக் செய்யும் வசதி கொண்டுள்ளது.

இதில் எஸ்பிஓ2, இதய துடிப்பு மற்றும் ஸ்லீப் மாணிட்டரிங் வசதி உள்ளது. வியர்வை, நீர் மற்றும் டஸ்ட் ப்ரூஃப் வழங்கும் வகையில் இந்த ஸ்மார்ட்வாட்ச் ஐபி67 ரேட்டிங் கொண்டிருக்கிறது. மேலும் வானிலை நோட்டிஃபிகேசன்களை வழங்குகிறது. இதில் AI சார்ந்து இயங்கும் வாய்ஸ் அசிஸ்டண்ட், பில்ட்-இன் கேம்ஸ், ஆறு நாட்களுக்கு பேட்டரி லைஃப் வழங்குகிறது. இத்துடன் 15 நாட்களுக்கு ஸ்டாண்ட்-பை பேட்டரி லைஃப் கொண்டுள்ளது.

ஃபயர் போல்ட் நின்ஜா கால் ப்ரோ பிளஸ் மாடல் பிளாக், கோல்டு பிளாக், பின்க், கிரே மற்றும் நேவி புளூ வண்ணங்களில் கிடைக்கிறது. இந்த ஸ்மார்ட்வாட்ச் விலை அறிமுக சலுகையாக ரூ. 1,999 என நிர்ணயம் செய்யப்பட்டு உள்ளது. இதன் விற்பனை அமேசான் மற்றும் ஃபயர் போல்ட் அதிகாரப்பூர்வ வலைதளங்களில் நடைபெற்று வருகிறது.

Spread the love