October 3, 2022

நாள் ஒன்றுக்கு ரூ.1612 கோடி வருவாய் இரண்டடை ஆண்டுகளில் 13 முறை உயர்ந்த அதானியின் சொத்து மதிப்பு

புது தில்லி, செப்.22

இரண்டரை ஆண்டுகளில் 13 முறை அதானியின் சொத்து மதிப்பு உயர்ந்துள்ளதாக தகவல்கள் வெளியாகியுள்ளது.

கடந்த 2021ம் ஆண்டு நாளொன்றுக்கு ரூ.1612 கோடி சொத்துக்களை கௌதம் அதானி சேர்த்துள்ளதாக அண்மையில் வெளியான செய்தி அறிக்கை தெரிவித்துள்ளது.

இது குறித்து விரிவான செய்தியாவது: உலக பணக்காரர்களின் பட்டியலில் எல்விஎம்எச் குழுமத் தலைவர் பெர்னார்ட் அர்னால்ட் மற்றும் அமேசான் நிறுவனர் ஜெஃப் பெசோசை பின்னுக்குத் தள்ளி கௌதம் அதானி 2-வது இடத்தைப் பிடித்துள்ளார். உலகப் பணக்காரர்கள் பட்டியலில் அதானி ரூ. 12.40 லட்சம் கோடி சொத்து மதிப்புடன் 2-வது இடத்திலும் எலான் மஸ்க் (ரூ. 21.8 லட்சம் கோடி) சொத்துக்களுடன் முதலிடத்திலும் உள்ளனர்.

கடந்த 2020ம் ஆண்டு 10 பில்லியன் அமெரிக்க டாலர்களாக இருந்த அதானியின் சொத்து மதிப்பு வேகமாக உயர்ந்து 2022ம் ஆண்டு 60 பில்லியன் அமெரிக்க டாலர்களானது. கிட்டத்தட்ட இரண்டரை ஆண்டுகளில் 13 முறை அதானியின் சொத்து மதிப்புகள் உயர்ந்துள்ளன.

இந்நிலையில் ஐஐஎஃப்எல் பொருளாதார ஆய்வறிக்கை வெளியிட்டுள்ள தரவுகளின்படி கௌதம் அதானியின் சொத்து மதிப்பு 116 சதம் அதிகரித்துள்ளதும், இதன்மூலம் நாயளான்றுக்கு அவர் ரூ.1612 கோடி சொத்துக்களை சேர்த்துள்ளதும் தெரியவந்துள்ளது. அதேபோல் முகேஷ் அம்பானியின் சொத்து மதிப்பு 11 சதம் அதிகரித்ததன் மூலம் நாயளான்றுக்கு ரூ 210 கோடி சொத்துக்கள் சேர்த்துள்ளதாகவும் அந்த அறிக்கையில் தெரிவிக்கப்பட்டுள்ளது.

Spread the love