February 3, 2023

ஜனவரி.5ல் அறிமுகமாகும் ரெட்மி நோட் 12 ப்ரோ ஸ்மார்ட்போன்

சென்னை, டிச.20

சியோமி நிறுவனம் இந்திய சந்தையில் புதிய ரெட்மி நோட் 12 ப்ரோ சீரிஸ் ஸ்மார்ட்போன்களை அறிமுகம் செய்யவுள்ளதாக தகவல்கள் வெளியாகியுள்ளது.
சியோமி நிறுவனம் ரெட்மி நோட் 12 ப்ரோ பிளஸ் ஸ்மார்ட்போனின் இந்திய வெளியீடு ஜனவரி 5ம் தேதி நடைபெறும் என ஏற்கனவே அறிவித்து விட்டது.

இந்த சாதனத்தின் சிறப்பம்சங்களாவது:ரெட்மி நோட் 12 ப்ரோ மாடலில் 6.67 இன்ச் எப்எச்டி+ஓஎல்இடி டிஸ்ப்ளே, டால்பி விசன், 120ஹெர்ட்ஸ் ரிப்ரெஷ் ரேட், மீடியாடெக் டிமென்சிட்டி 1080 பிராசஸர் வழங்கப்பட்டு இருக்கிறது.

புகைப்படங்களை எடுக்க 50 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி மேக்ரோ கேமரா வழங்கப்பட்டுள்ளது. 5000 எம்ஏஹெச் பேட்டரி மூலம் சக்தியூட்டப்படும் ரெட்மி நோட் 12 ப்ரோ பிளஸ் ஸ்மார்ட்போன் 120 வாட் ஃபாஸ்ட் சார்ஜிங் வசதி, சர்ஜிங் பி1 சிப் வழங்கப்பட்டு இருக்கிறது.

இது ஸ்மார்ட்போனினை 19 நிமிடங்களில் 100 சதம் வரை சார்ஜ் செய்திடும். இந்த ஸ்மார்ட்போனுடன் 120 வாட் ஜிஏஎன் சார்ஜர் வழங்கப்பட்டுள்ளது. தற்போது ரெட்மி நோட் 12 ப்ரோ சீரிசில் நோட் 12 ப்ரோ பிளஸ் மற்றும் நோட் 12 ப்ரோ மாடல்களின் வெளியீடு மட்டும் உறுதி செய்யப்பட்டு விட்டது. இரு மாடல்களுடன் ரெட்மி நோட் 12 5ஜி ஸ்மார்ட்போனும் அறிமுகம் செய்யப்படுமா என்பது கேள்விக்குறியாகவே உள்ளது.

Spread the love