January 22, 2023

சூப்பர் மீடியோர் 650 அறிமுகம் செய்தது ராயல் என்பீல்டு நிறுவனம்

சென்னை, ஜன.18

ராயல் என்பீல்டு நிறுவனம் இந்திய சந்தையில் சூப்பர் மீடியோர் 650 மாடல் அறிமுகம் செய்துள்ளது. புதிய சூப்பர் மீடியோர் 650 ஆஸ்ட்ரல் வேரியண்ட் விலை ரூ. 3 லட்சத்து 48 ஆயிரத்து 900 என நிர்ணயம் செய்யப்பட்டு உள்ளது.

புதிய சூப்பர் மீடியோர் 650 மாடல் ராயல் என்பீல்டு நிறுவனத்தின் மூன்றாவது பிரீமியம் மோட்டார்சைக்கிள் ஆகும். சூப்பர் மீடியோர் 650 மாடலில் வட்ட வடிவம் கொண்ட எல்இடி ஹெட்லைட், பெரிய டிரான்ஸ்பேரண்ட் வைசர், ஸ்ப்லிட் சீட் மற்றும் ஒற்றை சீட் செட்டப் வேரியண்டிற்கு ஏற்ப வழங்கப்படுகிறது. இத்துடன் பேக்ரெஸ்ட், க்ரோம் அம்சங்களை கொண்டுள்ளது.

இதன் இண்டர்ஸ்டெல்லார் மற்றும் செலஸ்டியல் வேரியண்ட்களின் விலை முறையே ரூ. 3 லட்சத்து 63 ஆயிரத்து 300 மற்றும் ரூ. 3 லட்சத்து 78 ஆயிரம் என நிர்ணயம் செய்யப்பட்டு உள்ளன.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்த மாடலின் முன்புறம் யுஎஸ்டி முன்புற ஃபோர்க்குகள், பின்புறம் அட்ஜஸ்ட் செய்யக்கூடிய பிரீலோடு மோனோசாக் யூனிட் வழங்கப்பட்டு இருக்கிறது. சூப்பர் மீடியோர் 650 முன்புறம் 16 இன்ச் பின்புறம் 19 இன்ச் அலாய் வீல்களை கொண்டிருக்கிறது. எல்இடி இலுமினேசன் தவிர இந்த பைக்கில் டூயல் பாட் இன்ஸ்ட்ரூமெண்ட் கன்சோல் உள்ளது.

புதிய ராயல் என்பீல்டு சூப்பர் மீடியோர் 650 மாடலில் மிரர்கள், டூரிங் சீட்கள், பேக்ரெஸ்ட்கள், ஹார்டு கேஸ் பேனியர்கள், என்ஜின் கார்டு மற்றும் பல்வேறு அக்சஸரீக்களை கொண்டுள்ளது. இந்த மாடல் ஆஸ்ட்ரல் பிளாக், ஆஸ்ட்ரல் புளூ, ஆஸ்ட்ரல் கிரீன், இண்டர்ஸ்டெல்லார் கிரே, இண்டர்ஸ்டெல்லார் கிரீன், செலஸ்டியல் ரெட் மற்றும் செலஸ்டியல் புளூ என ஏழுவிதமான வண்ணங்களில் கிடைக்கிறது.

Spread the love