October 3, 2022

சர்வீஸ் அட் ஹோம் திட்டம்: லாவா அறிவிப்பு

புது தில்லி, செப்.6

லாவா நிறுவனம் சர்வீஸ் அட் ஹோம் புது திட்டத்தை அறிவித்து இருக்கிறது. இந்த திட்டம் இனி நாடு முழுக்க சுமார் 9 ஆயிரம் அஞ்சல் குறியீட்டு பகுதிகளில் செயல்பாட்டு வருகிறது.

மேலும் லாவா இதன் பின் அறிமுகம் செய்யும் புதிய ஸ்மார்ட்போன் மாடல்களுக்கு இந்த திட்டம் பொருந்தும் என தெரிவித்துள்ளது. முன்னதாக இதே திட்டம் லாவா பிளேஸ் ஸ்மார்ட்போன்களுக்கு மட்டுமே அறிவிக்கப்பட்டு இருந்தது குறிப்பிடத்தக்கது.

புது அறிவிப்பின் படி இந்த திட்டம் லாவா அறிமுகம் செய்யும் புதிய ஸ்மார்ட்போன் மாடல்களுக்கு பொருந்தும். மேலும், போனிற்கான வாரண்டி இருக்கும் வரை இந்த திட்டம் அமலில் இருக்கும்.

லாவா அதிகாரப்பூர்வ வலைதளம், கால் செண்டர், லாவா கேர் ஆப் மற்றும் அதிகாரப்பூர்வ வாட்ஸ்அப் எண் மற்றும் ஸ்மார்ட்போன் பெட்டியில் உள்ள கியுஆர் கோட் ஸ்கேன் செய்து தொடர்பு கொள்ளலாம். குற்றச்சாட்டு தெரிவிக்கப்பட்ட இரண்டு மணி நேரத்தில் கோரிக்கை ஏற்கப்பட்டு 48 மணி நேரத்திற்குள் அதற்கான தீர்வு வழங்கப்பட வேண்டும். சிறிய மென்பொருள் மற்றும் ஹார்டுவேர் பிரச்சினைகள் பயனர் வீட்டிலேயே சரி செய்து தரப்படும். பெரிய பிரச்சினைகளை சரி செய்ய ஸ்மார்ட்போன் எடுத்துச் செல்லப்பட்டு சரி செய்த பின் பயனர் வீட்டிற்கு டெலிவரி செய்யப்படும். மேலும், இந்த திட்டத்தில் பயனர் ஸ்மார்ட்போன்கள் இலவசமாக பிக்கப் மற்றும் டெலவரி செய்யப்படுகிறது. இத்துடன் ஸ்கிரீன் மாற்றுவதும் இலவசமாக வழங்கப்படுவதாக அறிவித்துள்ளது.

Spread the love