January 24, 2023

கிராண்ட் விட்டாரா 7 சீட்டர்
மாருதி சுசுகி நிறுவனம் உருவாக்குகிறது

புது தில்லி, ஜன.20

மாருதி சுசூகி இந்தியா லிமிடெட் நிறுவனம் இரண்டாம் தலைமுறை பிரெஸ்ஸா காம்பேக்ட் எஸ்யுவி மற்றும் கிராண்ட் விட்டாரா மிட்சைஸ் எஸ்யுவி மாடல்களை கடந்த ஆண்டு அறிமுகம் செய்தது.

அறிமுகம் செய்ததில் இருந்தே இரு மாடல்களுக்கும் நல்ல வரவேற்பு கிடைத்து வருகிறது.

இவற்றை தொடர்ந்து ப்ரோன்க்ஸ் காம்பேக்ட் கூப் எஸ்யுவி, 5-டோர் ஜிம்னி லைஃப்ஸ்டைல் ஆஃப் ரோடு எஸ்யுவி உள்ளிட்ட மாடல்களையும் இந்த ஆண்டு அறிமுகம் செய்ய மாருதி சுசூகி நிறுவனம் திட்டமிட்டுள்ளது.

இந்த நிலையில், புதிய கார்கள் மட்டுமின்றி மாருதி சுசுகி நிறுவனம் தனது கிராண்ட் விட்டாரா காரின் மூன்று ரோ வேரியண்டை அறிமுகம் செய்யும் பணிகளில் ஈடுபட்டு வருகிறது. இந்த கார் ஒய்17 குறியீட்டு பெயரில் உருவாக்கப்பட்டு வருவதாக தெரிவிக்கப்படுகிறது.

மேலும் இந்த கார் டாடா சஃபாரி, ஹூண்டாய் அல்கசார், எம்ஜி யஹக்டார் பிளஸ், மஹிந்திரா எக்ஸ்யுவி700 போன்ற மாடல்களுக்கு போட்டியாக அமைகிறது.

மாருதி சுசுகி கிராண்ட் விட்டாரா மாடலின் பெரும்பாலன அம்சங்கள் டொயோட்டா அர்பன் குரூயிசர் ஹைரைடர் மாடலில் உள்ளதை போன்றே வழங்கப்படுகிறது. இந்த கார் 1.5 லிட்டர் நான்கு சிலிண்டர்கள் கொண்ட கே15சி மைல்டு ஹைப்ரிட் பெட்ரோல் அல்லது 1.5 லிட்டர் டிஎன்ஜிஏ அட்கின்சன் சைக்கிள் ஸ்டிராங் ஹைப்ரிட் பெட்ரோல் என்ஜினுடன் கிடைக்கிறது.

Spread the love