September 27, 2022

கார் மாடல்கள் விலையை உயர்த்தியது ஹூண்டாய்

சென்னை, செப்.9

ஹூண்டாய் இந்தியா நிறுவனம் தனது கிராண்ட் ஐ10 நியோஸ், ஐ20, வெர்னா, ஐ20 என் லைன், வென்யூ மற்றும் கிரெட்டா மாடல்களின் விலையை உயர்த்தியுள்ளதாக தகவல்கள் வெளிவந்துள்ளது.

மேலும், இந்த கார்களின் புது விலை இந்த மாதமே அமலுக்கு வருகிறது. விலை உயர்வு ஒவ்வொரு மாடல் மற்றும் வேரியண்டிற்கு ஏற்ப வேறுபடும். பெட்ரோல் என்ஜின் கொண்ட கிராண்ட் ஐ10 நியோஸ் மாடலின் விலை தற்போது ரூ. 6 ஆயிரம் வரை அதிகரித்து இருக்கிறது. இந்த காரின் டர்போ பெட்ரோல் வேரியண்ட்கள் நிறுத்தப்பட்டு விட்டன. ஹூண்டாய் கிராண்ட் ஐ10 நியோஸ் மாடலின் டீசல் என்ஜின் வேரியண்ட்களின் விலை உயர்த்தப்படவில்லை. மேலும் ஹூண்டாய் ஆரா மாடல் விலையும் உயர்த்தப்படவில்லை.

வெர்னா விலை ரூ. 3 ஆயிரம் உயர்த்தப்பட்டு இருக்கிறது. இது பெட்ரோல் மற்றும் டர்போ பெட்ரோல் வேரியண்ட்களுக்கு மட்டும் பொருந்தும். டீசல் வேரியண்ட்களின் விலை ரூ. 8 ஆயிரம் உயர்த்தப்பட்டு இருக்கிறது. ஹூண்டாய் வென்யூ டீசல் மற்றும் கிரெட்டா டீசல் மாடல்களின் விலையும் உயர்த்தப்பட்டு இருக்கிறது.

வென்யூ காம்பேக்ட் எஸ்யுவி டீசல் மாடல் விலை ரூ.5 ஆயிரம் உயர்த்தப்பட்டு இருக்கிறது. கிரெட்டா டீசல் பேஸ் வேரியண்ட் விலை ரூ. 3 ஆயிரமும், டாப் எண்ட் வேரியண்ட்களின் விலை ரூ. 6 ஆயிரம் வரை உயர்த்தப்பட்டுள்ளது. ஹூண்டாய் ஐ20 மாடலின் விலை ரூ. 9 ஆயிரம் வரை அதிகரிக்கப்பட்டுள்ளது ஹூண்டாய் நிறுவனம் தெரிவித்துள்ளது.

Spread the love