December 8, 2022

கடன்களுக்கான வட்டி விகிதம்
அமெரிக்காவில் 0.75 சதம் அதிகரிப்பு

வா´ங்டன், நவ.3

அமெரிக்காவில் கடன்களுக்கான வட்டி விகிதம் 0.75 சதம் உயர்த்தப்பட்டுள்ளதாக தகவல்கள் வெளியாகியுள்ளது. இது குறித்து விரிவான செய்தியாவது: அமெரிக்காவில் 40 ஆண்டுகளில் இல்லாத அளவுக்கு பணவீக்கம் அதிகரித்துள்ளது.

அமெரிக்க மத்திய வங்கியின் நோக்கம் அதிகபட்ச வேலை வாய்ப்பு மற்றும் பணவீக்கத்தை நீண்ட காலத்திற்கு 2 சதத்தில் அடைவதாகும்.

இந்நிலையில், அமெரிக்காவில் நுகர்வோர் பணவீக்கம் செப்டம்பர் மாதத்தில் 8.2 சதமாக குறைந்துள்ளது. இது ஆகஸ்ட் மாதம் 8.3 சதமாக இருந்தது. எனினும் பணவீக்கம் 2 சதத்தை அடைய வேண்டும் என்ற இலக்கை விட அதிகமாக உள்ளது.
மேலும், இதனை கட்டுப்படுத்தும் விதமாக இந்த நடவடிக்கையை எடுத்திருப்பதாக அமெரிக்க மத்திய வங்கி தெரிவித்துள்ளது. இதன் காரணமாக வட்டி விகிதம் 3.75 சதம் என்ற நிலையிலிருந்து 4 சதம் வரை இருக்கும் என்று அறிவிக்கப்பட்டுள்ளது. அமெரிக்காவில் 2008க்கு பின், அதிகபட்ச வட்டி விகித உயர்வாக இது பார்க்கப்படுகிறது. வட்டி விகிதங்களை உயர்த்துவது ஒரு பணவியல் கொள்கையாகும். இந்த நடவடிக்கை பொருளாதாரத்தில் தேவையை குறைக்க உதவுகிறது.அதன் மூலம் பணவீக்க விகிதம் குறைய உதவுகிறது.

Spread the love