January 25, 2023

ஐபோன் 13 மாடலுக்கு அசத்தல் சலுகை அமேசான் நிறுவனம் அறிவிப்பு

மும்பை, ஜன.17

அமேசான் கிரேட் ரிபப்லிக் டே சேல் பிரைம் சந்தா வைத்திருப்போருக்கு துவங்கி நடைபெற்று வருகிறது. இதில் ஐபோன் 13 (128 ஜிபி) மாடல் ரூ.59,499 விலையில் பட்டியலிடப்பட்டு இருக்கிறது. இத்துடன் கூடுதலாக வங்கி சலுகைகளும் அறிவிக்கப்பட்டு ள்ளதாக செய்திகள் வெளியாகியுள்ளது.

இது குறித்து விரிவான செய்தியாவது: ஸ்டேட் பேங்க் கார்டு வைத்திருப்போர் பத்து சதம் உடனடி தள்ளுபடி, கிரெடிட் கார்டு மாத தவணை முறை, பஜாஜ் ஃபின்சர்வ் இஎம்ஐ கார்டு மற்றும் அமேசான் பே கிரெடிட் கார்டு மூலம் வட்டியில்லா மாத தவணை முறை வசதி உள்ளிட்டவை வழங்கப்படுகிறது. இதுதவிர பழைய ஸ்மார்ட்போனை எக்சேன்ஜ் செய்யும் போது அதிகபட்சம் ரூ.20 ஆயிரம் வரை தள்ளுபடி வழங்கப்படுகிறது.

அந்த வகையில், அனைத்து சலுகைகளையும் சேர்க்கும் பட்சத்தில் ஐபோன் 13 மாடலை ரூ. 37,499 விலையில் வாங்கிட முடியும். முன்னதாக ஆப்பிள் ஐபோன் 13 மாடல் ரூ. 79,900 விலையில் 2021 வாக்கில் விற்பனைக்கு அறிவிக்கப்பட்டது. அளவில் இந்த மாடல் ஐபோன் 12 போன்றே இருக்கிறது. கேமரா பொறுத்தவரை ஐபோன் 12 மாடலில் இருப்பதை போன்றே 12எம்பி வைடு மற்றும் அல்ட்ரா வைடு லென்ஸ் வழங்கப்பட்டு இருக்கிறது. அமேசான் மற்றும் ப்ளிப்கார்ட் தளங்களில் ஐபோன் 14 பிளஸ் மாடலுக்கு சிறப்பு சலுகை வழங்கப்படுகிறது. அதன்படி ப்ளிப்கார்ட் தளத்தில் ஐபோன் 14 பிளஸ் ரூ. 75,999 விலையில் பட்டியலிடப்பட்டு இருக்கிறது. இதர வங்கி சலுகைகளை சேர்க்கும் போது ஐபோன் 14 பிளஸ் மாடலை ரூ. 69,999 விலையில் வாங்கிட முடியும். ஆப்பிள் ஸ்டோர் ஆன்லைனில் ஐபோன் 14 மற்றும் ஐபோன் 14 பிளஸ் மாடல்கள் அதன் அசல் விலையிலேயே விற்பனை செய்யப்படுகிறது. எனினும், ஹெச்டிஎஃப்சி வங்கி கிரெடிட் கார்டு பயன்படுத்தும் போது ரூ. 6 ஆயிரம் கேஷ்பேக் பெறலாம் என தெரிவிக்கப்பட்டுள்ளது.

Spread the love