January 26, 2023

எலெக்ட்ரிக் கார் விலையை உயர்த்தியது வால்வோ

புது தில்லி, நவ.26

வால்வோ இந்தியா நிறுவனம் உள்நாட்டில் அசெம்பில் செய்யப்பட்ட எக்ஸ்சி40 ரிசார்ஜ் எலெக்ட்ரிக் எஸ்யுவி மாடலின் முதல் யூனிட்டை சமீபத்தில் தான் வெளியிட்டது. தற்போது எக்ஸ்சி40 ரிசார்ஜ் மாடலின் இந்திய விலையை உயர்த்துவதாக வால்வோ நிறுவனம் அறிவித்திருப்பதாக தகவல்கள் வெளியாகியுள்ளது. விலை உயர்வை அடுத்து வால்வோ எக்ஸ்சி40 ரிசார்ஜ் மாடலின் விலை தற்போது ரூ.56 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டுள்ளது.

இது காரின் முந்தைய விலையை விட ரூ. 1 லட்சம் அதிகம் ஆகும். எலெக்ட்ரிக் மாடல் விலை உயர்த்தப்பட்டு இருக்கும் நிலையில், அதன் பெட்ரோல் மைல்டு ஹைப்ரிட் வேரியண்ட் விலையில் எந்த மாற்றமும் செய்யப்படவில்லை. வால்வோ எக்ஸ்சி60 பி5 அல்டிமேட் எஸ்யுவி மற்றும் எக்ஸ்சி90 பி6 அல்டிமேட் எஸ்யுவி மாடல்களின் விலை உயர்த்தப்பட்டு இருக்கிறது. விலை உயர்வை தொடர்ந்து இரு கார்களின் விலை தற்போது முறையே ரூ. 66 லட்சத்து 50 ஆயிரம் மற்றும் ரூ. 96 லட்சத்து 50 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இதே காரின் பெட்ரோல் மைல்டு-ஹைப்ரிட் விலையில் எந்த மாற்றமும் மேற்கொள்ளப்படவில்லை. உற்பத்தி செலவீனங்கள் தொடர்ந்து அதிகரித்து வருவது மற்றும் சர்வதேச சந்தையில் உதிரி பாகங்களுக்கு ஏற்பட்டுள்ள தட்டுப்பாடு காரணமாகவே கார் மாடல்களின் விலை உயர்த்தப்பட்டு இருப்பதாக வால்வோ நிறுவனம் அறிவித்து இருக்கிறது.

Spread the love