October 3, 2022

இ-மொபிலிட்டி சான்றிதழ் படிப்பு
சென்னை ஐஐடியில் அறிமுகமானது

சென்னை, செப்.16

தொழில்துறையில் பணிபுரிபவர்களின் திறனை மேம்படுத்தும் நோக்கில், இ-மொபிலிட்டி தொடர்பான இணையவழி சான்றிதழ் படிப்பை ஐஐடி சென்னை அறிமுகப்படுத்தியுள்ளதான செய்திகள் வெளியாகியுள்ளது.

இது குறித்து விரிவான செய்தியாவது: இந்த இணையவழி படிப்புக்கான பாடத்திட்டத்தில் உள்ள 9 தொகுதிகளில், 4 தொகுதிகள் தொழில்துறையில் பணியில் இருப்பவர்களுக்கு ஏற்றவாறு, தொழில்துறை நிபுணர்களின் உள்ளீடுகளுடன் உருவாக்கப்பட்டுள்ளது. மேலும், இந்த பாடத்திட்டம் தொழில்நுட்பத்தில் உள்ள ட்ரெண்டுகள், தொழில்துறை தேவைகள் உள்ளிட்டவற்றின் அடிப்படையில் தொடர்ந்து மேம்படுத்தப்படும். இதில் இ-மொபிலிட்டி எக்கோ சிஸ்டம், பவர் எலெக்ட்ரானிக்ஸ், பேட்டரி இன்ஜினியரிங், பவர் ட்ரெய்ன்ஸ், தெர்மல் மேனேஜ்மென்ட் உள்ளிட்ட தொழில்துறை அடிப்படைகள் இடம்பெற்றுள்ளன.

இது குறித்து ஐஐடி சென்னையின் இயக்குநர் வி.காமகோடி தெரிவித்துள்ளதாவது: ஆட்டோமொபைல் துறையில் குறிப்பிட்ட தொகுதிகள் எலெக்ட்ரிக் வாகனங்களாக மாறிவருவதால், தொழில்துறையில் ஏற்கெனவே பணிபுரிந்துவரும் ஊழியர்களின் திறன்களை மேம்படுத்த வேண்டும் என்பது குறித்து கல்வியாளர்கள் உள்பட ஏராளமானோர் எங்களிடம் கேட்டிருந்தனர்.

அதனால், தொழில்துறையில் பணிபுரியும் ஊழியர்கள் மற்றும் நிபுணர்களின் தொழில்நுட்ப அறிவுத்தேவைகளைப் பூர்த்தி செய்வதற்காக இ-மொபிலிட்டி என்ற இணையவழி படிப்பைத் தொடங்கியு¼ளாம். தொழில்துறையில் பணிபுரிபவர்களின் தேவைக்கேற்ப புதிய தொழில்நுட்பங்கள் குறித்து அறிந்து கொள்வதற்காகவே ஆன்லைன் மூலமாக இந்த படிப்பு நடத்தப்படுகிறது என்றார். அக்டோபர் 2ம் தேதி முதல் தொடங்கப்படவுள்ள இந்த சான்றிதழ் படிப்புக்கு விண்ணப்பிக்க செப்டம்பர் 30ம் தேதி கடைசி நாள். இது குறித்து கூடுதல் தகவல்களை இணைய தளம் மூலம் அறிந்து கொள்ளலாம் என்றும் தெரிவிக்கப்பட்டுள்ளது.

Spread the love