November 29, 2022

ஆடி கியூ 5 ஸ்பெசல் எடிசன் கார்
இந்திய சந்தையில் அறிமுகம்

மும்பை, நவ.9

ஆடி இந்தியா நிறுவனம் கியூ5 ஸ்பெசல் எடிசன் மாடலை இந்திய சந்தையில் அறிமுகம் செய்திருப்பதாக செய்திகள் வெளிவந்துள்ளது. புதிய ஸ்பெசல் எடிசன் மாடலின் விலை ரூ.67 லட்சத்தி 05 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது ஸ்டாண்டர்டு டெக்னாலஜி வேரியண்டை விட ரூ.84 ஆயிரம் அதிகம் ஆகும். மேலும், இந்த கார் டாப் எண் மாடலை தழுவி உருவாக்கப்பட்டு இருக்கிறது. இந்த மாடல் பிளாக் ஸ்டைலிங் பேக்கேஜில் கிடைக்கிறது. இந்த கார் பிளாக்டு-அவுட் லோகோ, கிளாஸ் பிளாக் முன்புற கிரில், பிளாக் ரூப், பிளாக் ஓஆர்விஎம் கேப்கள், 19 இன்ச் 5-ஸ்போக் அலாய் வீல்கள் கிராபைட் கிரே வண்ணத்தில் கிடைக்கிறது.

இந்த ஸ்பெசல் எடிசன் கார் ஐபிஸ் வைட் மற்றும் புதிய டிஸ்ட்ரிக்ட் கிரீன் என இரண்டு வண்ணங்களில் கிடைக்கிறது. இது தவிர ஆடி கியூ5 ஸ்பெசல் எடிசன் மாடல் எல்இடி யஹட்லேம்ப்கள், பானரோமிக் சன்ரூப், 10 இன்ச் தொடுதிரை வசதி கொண்ட இன்போடெயின்மெண்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவிட்டி, 12.2 இன்ச் டிரைவர் டிஸ்ப்ளே, 3 ஜோன் கிளைமேட் கண்ட்ரோல், 30 நிறங்கள் அடங்கிய ஆம்பியண்ட் லைட்டிங், வயர்லெஸ் சார்ஜர், முன்புறம் பவர்டு இருக்கைகள் வழங்கப்பட்டு உள்ளன.

ஆடி க்யூ5 ஸ்பெசல் எடிசன் மாடலின் என்ஜினில் எவ்வித மாற்றமும் மேற்கொள்ளப்படவில்லை. அந்த வகையில் இந்த காரிலும் 2.0 லிட்டர் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 249 யஹச்பி பவர், 370 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு டூயல் கிளட்ச் டிரான்ஸ்மிசன் வழங்கப்பட்டு இருக்கிறது.

Spread the love