December 9, 2022

ஆசிய பல்கலை கழகங்களின் டாப் 200ல் மும்பை ஐஐடி 40வது இடம் பிடித்தது

புது தில்லி, நவ.9

சர்வதேச தரவரிசை பல்கலை கழகங்களில் ஒன்றான கியூ.எஸ். (குவாக்குவாரெல்லி சைமண்ட்ஸ்) அமைப்பு 2023-ம் ஆண்டுக்கான ஆசிய பல்கலை கழகங்களின் டாப் 200 தரவரிசை பட்டியலை வெளியிட்டு உள்ளது.

இதில், இந்தியாவின் 19 பல்கலை கழகங்கள் இடம் பெற்று உள்ளதாக தகவல்கள் வெளிவந்துள்ளது.

மேலும், இதில் மும்பை ஐ.ஐ.டி. மீண்டும் இந்த ஆண்டில் 40-வது இடம் பிடித்து உள்ளது.

தில்லி ஐ.ஐ.டி. 46-வது இடமும், பெங்களூரு ஐஐஎஸ்சி. 52-வது இடமும் பிடித்து உள்ளன. தமிழகத்தின் சென்னை ஐ.ஐ.டி. 53வது இடம் பிடித்துள்ளது. இதுதவிர வேலூர் விஐடி 173வது இடமும், அண்ணா பல்கலைக்கழகம் 185-வது இடமும் பிடித்து உள்ளன.

தொடர்ந்து காரக்பூர் ஐஐடி 61-வது இடமும், கான்பூர் ஐஐடி 66-வது இடமும், டெல்லி பல்கலைக்கழகம் 85-வது இடமும் பிடித்து டாப் 100 கல்வி நிலையங்களின் வரிசையில் இடம் பெற்று உள்ளன. இவற்றில் இந்தியாவின் 8 பல்கலை கழகங்கள் கடந்த ஆண்டுடன் ஒப்பிடும்போது, இந்த ஆண்டில் முன்னேற்றம் அடைந்துள்ளன. அனைத்து இந்திய பல்கலை கழகங்களும் கல்வி பொது மதிப்பீடு மற்றும் சர்வதேச ஆராய்ச்சி பணியில் மேம்பாடு அடைந்து உள்ளன என தெரிவிக்கப்பட்டுள்ளது.

Spread the love