September 27, 2022

அபாச்சி ஆர்டிஆர் 160, ஆர்டிஆர் 180
இந்திய சந்தையில் அப்டேட் செய்தது டிவிஎஸ்

சென்னை, செப்.9

டிவிஎஸ் நிறுவனம் தனது அபாச்சி ஆர்டிஆர் 160 மற்றும் அபாச்சி ஆர்டிஆர் 180 மோட்டார்சைக்கிள் மாடல்களை இந்திய சந்தையில் அப்டேட் செய்துள்ளது.

புதிய அபாச்சி ஆர்டிஆர் 160 மாடலின் விலை ரூ. 1 லட்சத்து 17 ஆயிரம், ஆர்டிஆர் 180 மாடல் விலை ரூ. 1 லட்சத்து 31 ஆயிரம் என நிர்ணயம் செய்யப்பட்டு உள்ளது.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. புது மோட்டார்சைக்கிள்கள் அதிநவீன தோற்றம் பெற்றுள்ளன. இத்துடன் புதிய எல்இடி ஹெட்லேம்ப்கள், டெயில் லைட் செட்டப் வழங்கப்பட்டு இருக்கிறது. இண்டிகேட்டரில் மட்டும் பல்புகள் வழங்கப்பட்டுள்ளன. அபாச்சி ஆர்டிஆர் 160 மற்றும் ஆர்டிஆர் 180 மாடல்களில் மேம்பட்ட இன்ஸ்ட்ரூமெண்ட் கிளஸ்டர், ப்ளூடூத் கனெக்டிவிட்டி போன்ற அம்சங்கள் உள்ளன. இத்துடன் அர்பன், ரெயின் மற்றும் ஸ்போர்ட் என மூன்று வித ரைடிங் மோட்களை கொண்டுள்ளன.

அபாச்சி ஆர்டிஆர் 160 மாடலில் 160 சிசி ஒற்றை சிலிண்டர், இரண்டு வால்வுகள் கொண்ட ஏர் கூல்டு என்ஜின் வழங்கப்பட்டுள்ளது. இந்த என்ஜின் 15 ஹெச்பி பவர், 13.9 நியூட்டன் மீட்டர் டார்க் இழுவிசையை வெளிப்படுத்துகிது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. புதிய மேம்பட்ட அபாச்சி ஆர்டிஆர் 180 மாடலிலும் ஒற்றை சிலிண்டர், இரண்டு வால்வுகள் கொண்ட ஏர் கூல்டு என்ஜின் வழங்கப்பட்டு உள்ளது. இந்த என்ஜின் 17 ஹெச்பி பவர், 15.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது. டிவிஎஸ் அபாச்சி ஆர்டிஆர் 160 மாடல் – புளூ, ரெட், பிளாக், கிரே மற்றும் வைட் என ஐந்து விதமான நிறங்களில் கிடைக்கிறது. அபாச்சி ஆர்டிஆர் 160 மாடல் டிரம், டிஸ்க் மற்றும் ப்ளூடூத் என மூன்று வேரியண்ட்களில் கிடைக்கிறது. இவற்றின் விலை முறையே ரூ. 1 லட்சத்து 18 ஆயிரம், ரூ. 1. லட்சத்து 22 ஆயிரம் மற்றும் ரூ. 1 லட்சத்து 31 ஆயிரம் என நிர்ணயம் செய்யப்பட்டு உள்ளது.

Spread the love