January 22, 2023

அடுத்த ஆண்டில் உலக பொருளாதார வளர்ச்சி 1.7 சதமாக குறையும் : உலக வங்கி கணிப்பு

வா´ங்டன், ஜன.18

2023ம் ஆண்டில் உலக பொருளாதார வளர்ச்சி 1.7 சதமாக குறையும் என உலக வங்கி கணித்துள்ளதாக தகவல்கள் வெளிவந்துள்ளது.

இது குறித்து விரிவான செய்தியாவது: இது கடந்த ஆண்டின் ஜூன் மாதத்தில் கணிக்கப்பட்ட 3 சத வளர்ச்சி என்பதை விட குறைவாகும். மேலும் கடந்த 30 ஆண்டுகளில் 3வது முறையாக உலக பொருளாதார வளர்ச்சி மிக குறைந்த அளவை எட்டியுள்ளது குறிப்பிடத்தக்கது. மேலும், கடும் பணவீக்கம், வட்டி விகித உயர்வு, முதலீடு குறைவு, ரஷியா-உக்ரைன் போரால் ஏற்பட்ட நெருக்கடி உள்ளிட்ட பல்வேறு காரணங்களால் உலக பொருளாதாரம் மெதுவாகவே வளர்ந்து வருவதாக உலக பொருளாதார வங்கி வெளியிட்டுள்ள அறிக்கையில் தெரிவிக்கப்பட்டுள்ளது.

மேலும், உலக பொருளாதாரம் 2023 மற்றும் 2024ம் ஆண்டுகளில் முறையே 1.7 மற்றும் 2.7 சதமாக வளர்ச்சி அடையும் என்று கணிக்கப்பட்டுள்ளது.

கூடுதலாக காலநிலை மாற்றம் உள்ளிட்ட காரணிகளால் உலக பொருளாதாரத்திற்கு ஏற்படும் இடர்ப்பாடுகளை களைவதற்கு மக்கள் அதிக கவனம் செலுத்த வேண்டும் என உலக வங்கி தெரிவித்துள்ளது.

Spread the love