November 29, 2022

அடுத்த ஆண்டின் முதல் அரையாண்டு வாக்கில்
லோடஸ் எலெட்ரி மாடலின் வினியோகம் துவக்கம்

மும்பை, அக்.28

ப்ரிட்டனை சேர்ந்த கார் உற்பத்தியாளரான லோடஸ் தனது முதல் எஸ்யுவி- எலெட்ரி மாடல் விவரங்களை அறிவித்துள்ளது. இது குறித்து விரிவான செய்தியாவது: புதிய லோடஸ் எலெட்ரி மாடல் அதிகபட்சம் 905 யஹச்பி பவர், 600 கிலோமீட்டர் வரையிலான ரேன்ஜ் வழங்கும் திறன் கொண்டிருக்கிறது. மேலும், இந்த எலெக்ட்ரிக் கார் மூன்று வேரியண்ட்களில் விற்பனைக்கு கிடைக்கும் என லோடஸ் அறிவித்துள்ளது. அடுத்த ஆண்டின் முதல் அரையாண்டு வாக்கில் லோடஸ் எலெட்ரி மாடலின் வினியோகம் துவங்குகிறது.

புதிய லோடஸ் எலெட்ரி- எலெட்ரி, எலெட்ரி எஸ் மற்றும் எலெட்ரி ஆர் என மூன்று வேரியண்ட்களில் விற்பனைக்கு கிடைக்கிறது. முற்றிலும் புதிய 800வி எலெட்ரி பிளாட்பார்மில் லோடஸ் எலெட்ரி உருவாக்கப்பட்டு இருக்கிறது.

மேலும், இந்த காரின் மூன்று வேரியண்ட்களிலும் 112 கிலோவாட் ஹவர் பேட்டரி மற்றும் டூயல் மோட்டார் செட்டப் வழங்கப்பட்டு உள்ளது. எலெட்ரி மற்றும் எலெட்ரி எஸ் மாடல்களில் 6.3 யஹச்பி பவர், 710 நியூட்டன் மீட்டர் டார்க் வழங்கும் டூயல் மோட்டார் செட்டப் வழங்கப்பட்டு இருக்கிறது. இத்துடன் சிங்கில்-ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த கார் மணிக்கு 0 முதல் 100 கிலோமீட்டர் வேகத்தை 4.5 நொடிகளில் எட்டிவிடும்.

மேலும், மணிக்கு அதிகபட்சம் 258 கிலோமீட்டர் வேகத்தில் செல்லும். இந்த கார் முழு சார்ஜ் செய்தால் 600 கிலோமீட்டர் ரேன்ஜ் வழங்குகிறது. லோடஸ் எலெட்ரி ஆர் மாடலில் 2 ஸ்பீடு கியர்பாக்ஸ் வழங்கப்பட்டு இருக்கிறது. இதில் உள்ள டூயல் மோட்டார் செட்டப் 905 ஹெச்பி பவர், 985 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் மணிக்கு 0 முதல் 100 கிலோமீட்டர் வேகத்தை 2.95 நொடிகளில் எட்டிவிடும். முழு சார்ஜ் செய்தால் 490 கிலோமீட்டர் ரேன்ஜ் வழங்குகிறது.

Spread the love